Fe'a'ahi'aki Ako Fakakalisitiane
02/27/08 , by Posted by: admin
Na’e fakahoko ‘i he Sapate faka’osi ‘o e mahina ko Fepueli ‘a e ‘uluaki polokalama fe’a’ahi’aki ‘a e ngaahi Potungaue Ako Fakakalisitiane (PAK) ‘a e Siasi Uesiliana Tau’ataina ‘o Tonga ki he 2008. Na’e ma’u faingamalie ai ‘a e peesi faka’initaneti ni (website) ke ‘inasi ‘i he fe’a’ahi’aki ‘a e Potungaue Ako Fakakalisitiane ‘a e Sopu-‘o-Taufa’ahau ki he Potungaue Ako Fakakalisitiane ‘a e Kolotau ko Ngele’ia.
Ko e polokama ni na’e kamata ia ‘i he 4:00 efiafi pea na’e tataki ia ‘e he Potungaue ‘a’ahi ‘a ia ko Sopu. Na’e Sea pe ‘a Manase Fonua ko e setuata lahi ia ‘o e Siasi ‘o Sopu. Na’e fakahoko kotoa ‘a e polokalama ‘e he Potungaue ‘a Sopu. Ko ha ngaahi hiva ‘anitema ‘a e hiva lahi pe ‘a Sopu pea mo ha ngaahi hiva mo e faiva fakatata (action song/skit) na’e fakahoko ‘e he fanau. Na’e fakataumu’a ‘a e ngaahi faiva mo e hiva ‘a e fanau ki he kaveinga pe ‘o e mahina “FIEFIA FO’OU ‘IA SISU”.
Na’e fakamafana ‘a e fakahoko ‘e he fanau ‘enau ngaahi faiva ‘i he ‘enau loto ke vahevahe mo e fanau Ngele’ia ‘a e mahu’inga ‘o e Fiefia ‘ia Sisu. ‘A e ngaahi mo’oni’i me’a ‘i he mamani ko ‘eni ‘oku ma’u ai ‘ete fiefia. ‘A ‘ete ako lelei, ‘a hoto taleniti, ‘a e ngaahi malie ‘o mamani, ‘a ‘ete koloa’ia ‘o a’u ki he ‘ete fiefia ‘i he ma’u hoto
Na’e fai leva ‘ e he Sekelitali Lahi ‘a Ngele’ia, Lokuvalu Leha ha lea fakamalo ‘i he koloa mahu’inga ne lava mai mo Sopu, pea faka’osi ai pe ‘e he Sea.
Ko e faifekau ‘o Sopu - Sione Pasimi Vaea
Ko e faifekau ‘o Ngele’ia – Ta’uteau Taufa.
‘E toki fai ‘a hono fakafoki ‘o e fe’a’ahi’aki ni ‘i he Sapate faka’osi ‘o Ma’asi.
| Posted by: admin | Category: news | Print | Return|