Fakatapui kamata e ngaue langa
12/01/07 , by Posted by: admin
Lesoni 'uluaki: 'Apasia Hemaloto (tauhi pa'anga & memipa PTA)
Lea talitali: 'Ofisa Kolo Fine Molisi
Fakafiefia ‘o e ‘aho: Fanau ako kinitii – hiva mo e lau veesi lauloto. Hoko atu mo e tau’olunga ‘a e longa’i fanau Fakamatala fakata’u: Mele Si’ekina Halai (faiako)
Tanaki Tu’unga: ‘Amelia Niumeitolu (faiako)
Na’e ‘i heni e kau tauhi fanau, pea lava ki ai mo e matu’a tauhi fonua ‘o ‘Uiha ko e poupou ki he langa ngaue. Ne fai mo e ngaahi lea ‘o mahino ‘a e mahu’inga hono poupoui’i e ako ‘a e fanau. Ne mahino mei he lea ‘a e Pule Ako lolotonga ‘o e Lautohi Pule’anga ‘a ‘Uiha mo Felemea (Mata’aho GPS) – Neomai Vaikona – ‘a e ‘aonga ‘o e kinitii. “’Oku ‘ilonga ‘aupito ‘a e faingofua ange ki he longa’i fanau ne ako kinitii, ke nau matatali ‘a e ngaahi fiema’u ‘o e levolo Ako Lautohi Pule’anga pe primary education. ‘O ‘ikai ngata pee ‘i he ngaahi ngaue ‘i loki ako, ka ko e anga ‘enau fakafotunga mo ‘enau feohi mo e fanau Ako. Mou manatu ‘oku tokolahi ange ‘a e fanau te nau feohi mo ia, pea ko e tamaiki ako ta’u lalahi ange”, ko e lau ia ‘a Neomai. Ne pehee ‘e he ‘Ofisa Kolo, Fine Molisi, ko e fuofua kinitii eni ‘oku langa honau ‘api-ako ‘i hano konga kelekele mavahe ‘i
Na'e 'i ai foki mo e ngaahi lea malie 'o hange ko e lea na'e fakahoko 'e Tevita Punaivaha ko e poupou pe ki he ki'i ako ni, 'a 'ene 'ausia 'a e mahu'inga 'o hono ako'i 'a e fanau pea mo e mamahi 'o e ‘ikai ako'i 'o e fanau. “Ko au 'oku 'i ai 'eku fanau tangata 'e toko fa, lava lelei e ako 'a e toko ua pea ko e toko ua 'oku na to e foki mai pe 'omau tui e suu-pato”. Ko Tevita ko 'ene ma'u'anga mo'ui ko e toutai.
'Oku fakahisitolia foki 'a e to e kamata ko 'eni 'a e ako he konga kelekele ko 'eni. Ko e konga kelekele 'o e Siasi Uesiliana Tau'ataina 'o Tonga 'o 'Uiha, ka na'e tu'u ai 'a 'enau Akoteu he ngaahi ta'u ki mu'a atu pea pehe pe ki he 'enau ako Lotoloto. Hange ko e lea 'a Puaka Ha'angana (Fotuika Vailea ) ‘o ne pehe 'oku fakalanga manatu 'a e toe tu’u ‘a e ako’anga he kelekele he ko 'ene fanau na'a nau ako he taimi na'e kei mo'ui ai 'a e ki'i Akoteu.
Ne ‘osi kamata maamaalie mai pee ‘a e ngaue, he ‘oku fakatefito mei he ngaahi naunau mei Tongatapu, ka ‘oku pule ‘a e vaka. Ko e ngaue ‘oku fai ‘e Uapenisa Fili pea tokoni pee ‘a e tamaiki ‘o e fonua pea mo e ngaahi matu’a. Ko e faka’amu ke maau ‘a e ngaue ki he fokotu’u ‘a e ta’u faka-ako 2008 'a ia 'oku fakafuofua ki he konga kimui 'o Fepueli pe ko e kamata 'o e mahina Ma'asi.
| Posted by: admin | Category: news | Print | |