Tokanga makehe Siasi SUTT ‘Isileli ki he Fanau Ako

11/08/07 , by Posted by: Admin

'Oku ngaue'aki 'e he Siasi Uesilia Tau'ataina 'o Tonga (SUTT) 'i Tonga, ‘a e Sapate ua ‘o Sanuali ‘o e ta’u kotoa ke fakamanatua pea fakamamafa’i 'a e mahu'inga 'o e ako. Ka ko e ‘unu atu eni ke faka-‘osi’osi pea mo tutuku ‘a e faha’i-ta’u faka-ako ‘a Tonga; ki he faka’osinga ‘o e mahina Novema pe kamata’anga ‘o Tisema.

Ko e ongo mahina ni ‘oku fakahoko ai e ngaahi sivi lalahi mo faka-ma’opo’opo e tu’unga ‘oku ‘i ai e tama mo e ta’ahine ako. Ko e taimi ‘o e ututa'u! Tatau pe ngaahi ako 'a e ngaahi Siasi mo e ngaahi ako 'a e Pule'anga ‘o tautefito ki he ngaahi  kolisi.

Ne fokotu'u ‘e he Kautaha Akolotu 'a e Siasi SUTT 'o 'Isileli 'a e 'aho – Sapate 4, Novema - ke fai hano fakamamafa'i ai 'a e teu sivi 'a e fanau honau fa’inga lotu. Ko e polokalama ko e Po-lotu ‘o fakahoko ai ‘a e ngaahi lea ko e fe’inasi’aki. ‘O fakahaa ‘e he fanau-ako ‘a e me’a lalahi ‘oku nau faka’amu mo hoha’a ki ai he taimi mahu’inga ni, pea ‘ikai ngata ai ka e fakalotolahi mo e talamonu e toenga ‘o e Siasi ki he teu sivi 'o e ta'u faka-ako 2007, 'oku 'amanaki kamata he 'aho 6 'o Novema.

Sea ‘o e Polokalama po-lotu; Sione Hafoka

Lea fakaava; 'Aneti Kiti Puloka

Ngaahi lea ne fakafofonga mei he kolisi;
i)  Tonga High School
ii)  Tupou High School
iii)  Kolisi Kuni Salote
iv)  Foomu 7 'a  e  Tonga High School

Ngaahi lea kehe
i)    Fakafofonga ‘o e kau fai ako; 'Ovaleni Manu'ofetoa (Tupou High School)
ii)    Kau tauhi fanau; Mosese Vaea.

Na'e tokanga 'a e lea faka-ava - 'Aneti Puloka – ki he ngaahi founga ‘e ala lava ‘e he matu’a ke fakahaa’aki ‘enau mahu’inga’ia he ako ‘a ‘enau fanau he ‘e mahino ai ki he fanau ‘a e poupou ‘a e matu’a ki he’enau ako. Kau ai “ … ‘ete ‘alu ‘a kita matu’a ‘o ‘ave kinautolu ki he ngaahi feitu'u 'oku fai ai ha ako 'i he taimi 'oku tuku ai e ako he houa  angamaheni …” Ko e faka’ai’ai ke ‘oua ‘e fakafalala pee ki loki-ako, ka e puke ‘a e ngaahi faingamalie ako kehekehe.

Mahino mei he talaloto 'a e fanau 'a e mahu'inga pea mo 'enau 'ilo 'oku mahu'inga ke kau 'a e 'Otua he feinga ako 'oku nau fai pea hange ko e lea 'a  Semisi 'Aholelei (tamasi’i ako) ko e 'aho ni ko e “… 'aho 'o e utu ta'u; pe na'e fefe 'a e 'eta teuteu ka kuopau ke 'i ai e ‘aho 'e utu ai ...”.
 
“Kuo 'osi e taimi ia 'o e kau faiako, 'osi e taimi ia 'o e ako, ko e me'a pe 'e 'ikai pe ke 'osi ka ‘e lava he miniti kotoa - ko e lotu”, ko e fakamanatu ia mei he fakafofonga ‘o e kau tauhi fanau Mosese Vaea. ‘Oku mahu’inga ai hono “hufia e sivi 'oku 'amanaki ke fakahoko, he ko e lotu pe he'ikai pe ke 'i ai ha taimi ia 'e 'osi ai”, ko Mosese ia.
 
Na'e fakaafe'i ai pe 'e 'Aneti Puloka mo hono famili 'a e fanau-ako ki he'ene ‘ki'i haka kenau 'aho malolo ki ai’ ‘i he fale-holo pee ‘o e siasi ‘i ‘Isileli. Ko e ‘aho malolo faka-pule’anga ‘a e 4 ‘o Novema, ka ‘oku fakamanatu ki he ‘aho Monite 5. Pea fakaafe'i mo e matu'a kenau palupalu ai pe he ‘aho malolo, Monite, ka e lava ange e fanau 'o “… talatalanoa ai mo fe'inasi’aki he ngaahi 'ilo faka-ako kuonau a'usia …”.

Ko e anga ee 'o e teke 'a e Siasi SUTT 'o 'Isileli ki he 'enau fanau-ako pea mo e mahu'inga 'o e ako!

Siasi Uesiliana Tau’ataina ‘o Tonga, ‘Isileli: Sopu-o-Taufa, Kolomotu’a.

By Losi ‘Alofi 

| Posted by: Admin | Category: church | Print | |

Add A Comment

• February 27, 2011, 6:25 pm - ajsfqiuenvc

  oij1iZ <a href="http://nuosyvcjbraa.com/">nuosyvcjbraa</a>, [url=http://nzzbpfxoeifl.com/]nzzbpfxoeifl[/url], [link=http://fahdvozrfmuv.com/]fahdvozrfmuv[/link], http://fjraqwnzsolm.com/