Neongo na'e 'i ai pe 'a e Temipale 'o e Siasi na'e 'osi langa 'i Tonga ni, ka na'e toe langa fo'ou pe ‘e he Siasi 'a e Temipale. Na'e maau pe langa pea faka'ataa ki he kakai 'o e fonua ke nau lava atu ki loto 'o mamata ki he faka'ofo'ofa 'o e temipale kimu'a ia pea toki huufi mo fakatapui.

Kuo fakahaa ‘e he Pule’anga Siana ‘e ‘ikai ngofua ke to’o ha Tohitapu ki he nofo’anga sipoti ‘o e ‘Olimipiki ‘i hono fai ange ‘i he ta’u fo’ou. Ko e ‘uhinga ‘oku pehee; ke faingofua ange ‘a e ngaue ki hono malu’i mo tokanga’i ‘o e fe’auhi sipoti.

‘Oku 'amanaki ke fakahoko ki Sene 'Aositelelia ‘i Siulai, 2008 ha fakafeohi 'a e To'utupu  'o e Siasi Katolika 'o mamani pea 'oku kau atu ki ai 'a e to'utupu 'o e Siasi Katolika 'o Tonga ni. Ko e fakatahataha lahi taha eni ‘a e To’utupu Katolika he ‘oku fakafuofua ki he to’utupu ofi ki he miliona ‘e fakatefua ki Sene ki he katoanga ni.

'Oku ngaue'aki 'e he Siasi Uesilia Tau'ataina 'o Tonga (SUTT) 'i Tonga, ‘a e Sapate ua ‘o Sanuali ‘o e ta’u kotoa ke fakamanatua pea fakamamafa’i 'a e mahu'inga 'o e ako. Ka ko e ‘unu atu eni ke faka-‘osi’osi pea mo tutuku ‘a e faha’i-ta’u faka-ako ‘a Tonga; ki he faka’osinga ‘o e mahina Novema pe kamata’anga ‘o Tisema.

May is a busy month in the Tongan churches calendar.